Chili terma jamoasi bosh murabbiyi Xuan Antonio Pitstsi JCh saralashida Argentinadan uchralgan 0:1 hisobidagi mag'lubiyat haqida fikr bildirdi. Eslatib o'tamiz, uchrashuv taqdirini Messi penaltidan kiritgan yagona gol hal qilgan.
"Menimcha natija mutlaqo adolatsiz, ammo haqiqat shundaki, biz mag'lubiyatga uchradik. Endi mundialga chiqish imkonini saqlab qolish uchun seshanba kuni Venesuelani mag'lubiyatga uchratish shart.
Biz Argentinaning kuchli jihatlarini deyarli to'liq zararsizlantirdik. Bunday jihatlar esa kam emas. Golga yarasha o'yin ko'rsatdik, ammo afsuski ura olmadik", - deydi Pitstsi.
Eslatib o'tamiz, Chili terma jamoasi JCh saralashida 13 turdan so'ng oltinchi o'rinni egallab turibdi.
— deya xabar beradi uff.uz nashri.