Futbol - shubhasiz, millionlar o'yini. Sportning bu turiga qiziqish o'ta yuqoriligidan, ma'lum bir o'yin atrofidagi bahs-munozaralar nafaqat o'yin arafasi, balki o'sha bahs o'tkazilganidan keyin ham to'xtamaydi. Qaysidir jamoa muxlisi o'z fikrini ma'qullasa, tabiiyki, narigi klub ishqibozi buning teskarisini uqtirishga urinadi.
Futbol - aynan shunday tortishuvlar tegrasida birinchi raqamli sport turi maqomini saqlab qolaveradi. Ba'zan shunday holatlar ham kuzatiladiki, etarli bilim yoki manbaga ega bo'lmagan muxlis qaysidir muammoli vaziyat yuzasidan tug'ilgan savolga javob topa olmay, anchagacha o'ylanib yuradi. Biz xuddi shu masalani inobatga olib, gazetamizda «Savol-javob» ruknini joriy etishga qaror qildik. Muxlislar endilikda ushbu sahifa orqali dolzarb jumboqlarga echim topishlari mumkin.
Savol: - Agar 2015 yilgi milliy chempionat yakunida «Paxtakor» va «Lokomotiv» klublari to'plagan ochkolar soni teng kelib qolsa, oltin medallar kimga nasib qiladi?
Javob: - O'zbekiston futbol federatsiyasi tomonidan 2015 yili Toshkent shahrida chop etilgan Reglamentning «Musobaqalarda g'oliblarni aniqlash» deb nomlanuvchi 12-bobi, 12.1 bandida shunday deyiladi:
Musobaqalarda jamoalar egallagan o'rinlar ular to'plagan ochkolarga qarab belgilanadi. O'yindagi g'alaba uchun 3 ochko, durang uchun 1 ochko va mag'lubiyat uchun 0 ochko beriladi.
Ikki yoki undan ko'p jamoalarning ochkolari teng kelib qolsa, o'rinlar quyidagi tarzda aniqlanadi:
- o'zaro o'yinlar nisbatiga ko'ra (o'zaro o'yinlardagi ochkolar hisobi, kiritilgan va o'tkazib yuborilgan to'plar farqi, kiritilgan to'plar soni, o'tkazib yuborilgan to'plar soni, safardagi gollar miqdori), shuningdek, o'yinlarning birida qaysidir jamoa hisobiga texnik mag'lubiyat yozilgan bo'lsa, o'sha jamoa quyi o'ringa tushadi;
- barcha uchrashuvlardagi to'plar nisbatiga ko'ra;
- barcha uchrashuvlardagi nisbatan ko'proq g'alabalar hisobiga ko'ra;
- barcha uchrashuvlarda kiritilgan to'plar soniga ko'ra;
- barcha safar o'yinlarida kiritilgan to'plar soniga ko'ra.
Agar shu holatlarning barida ko'rsatkichlar bir xil bo'lib chiqsa, unda o'rinlar qur'a tashlash orqali aniqlanadi.
* * *
Savol: - So'nggi paytlarda Osiyo Chempionlar Ligasida qatnashadigan klublarimiz soni haqida turlicha gap-so'zlar yuribdi. Kimdir 2016 yilgi OChLda 3ta jamoamiz qatnashadi, desa, bosh-qalar OFKning o'zbek klublariga 2ta o'rin ajratishini aytishmoqda...
Davomi InterFUTBOL gazetasi blogida.
— deya xabar beradi uff.uz nashri.