1995 yilgi “Ayaks” jamoasi – futbol tarixida aql bovar qilmas darajada yosh va jasur edi. Amsterdamliklar Chempionlar ligasini 2 bor ketma-ket ololmaganligi bilan, o'sha tarkibdagi yosh o'yinchilarning barchasi jahon yulduzi darajasiga etishdi. Edvin van der Sar (45) Gollandiya futbol tarixidagi eng yaxshi darvozabon. “Ayaks” tarkibida 20 yoshida kelib qo'shilgan. “Yuventus”ga Buffon kelganiga qadar, jamoa asosiy darvozaboni edi. 35 yoshida «ManUtd» darvozaboni bo'lib «qizil iblislar» safida Chempionlar ligasida g'alaba qozondi va o'z darvozasidan gol o'tkazib yubormaslik bo'yicha rekord o'rnatdi (21). 2011 yilda futbolchilik faoliyatini yakunladi. Hozirda “Ayaks” jamoasida direktor lavozimida ishlamoqda. Klarens Zeeydorf (40) Kuchli, jasur va eng asosiysi texnikasi baland yarim himoyachi. Zeydorf futbol tarixida uch xil klub safida Chempionlar ligasida yutgan yagona futbolchi. “Ayaks” bilan ChLdagi g'alabasidan so'ng bir bor «Real» (1998) bilan va yana ikki bor “Milan” (2003,2007) safida zafar quchgan. “Rossoneri”lar safida 10 yil futbolchilik faoliyatini o'tkazgan. Ikki yil oldin esa murabbiylik sifatida o'zini sinab ko'rdi, omadsiz urinish. Hozirda “Shenchjen” klubida ishlamoqda. Frank Raykard (53) Tayanch yarim himoyachi, “Ayaks” tarbiyalanuvchisi. Jamoa tarkibiga uni Leo Benxakker 18 yoshligida qo'shgan. Shu jamoada faoliyatini boshlab, yana shu jamoada tugatdi. Oxirgi 1994/95 mavsumi Raykard uchun juda ham omadli keldi. Jamoa xet-trik qayd etdi. Futbolchilik faoliyatini yakunlagandan so'ng, Frank murabbiylik faoliyatiga o'tdi. U Gollandiya terma jamoasi, “Sparta” va hattoki “Barselona” jamoalarini boshqardi. Oxirgi jamoasi Saudiya Arabistoni terma jamoasi. Ronald du Bur (46) Hujumkor yarim himoyachi yoki hujumchi. O'z faoliyatini o'zining akasi bilan o'tkazdi. “Ayaks” jamoasida yana 3 yil ushlanib qoldi. “Yuventus”ga qarshi final uchrashuvida o'ynagandan so'ng, “Barselona” jamosiga yo'l oldi. U erda Primeroda g'alaba qozondi. 4 yil “Reynjers” jamoasida to'p surib, Qatarda faoliyatini tugatdi. Hozirda “Ayaks” yoshlar jamoasida murabbiylik faoliyatini olib bormoqda. Danni Blind “Sparta” jamoasining tarbiyalanuvchisi. O'sha davrdagi “Ayaks” jamoasi sardori va etkchi o'yinchisi. “Ayaks” safida Evropa darajasidagi uch xil sovrin egasi: Kuboklar kubogi, UEFA kubogi va Chempionlar ligasi. Ham “Ayaks”da, ham “Sparta”da direktor lavozimida ishlagan. “Sparta” jamoasi bilan murabbiy sifatida Gollandiya kubogi va Superkubogini qo'lga kiritgan. Uning o'g'li Deyli “Manchester Yunayted” futbolchisi. Davomi quyidagi linkda
— deya xabar beradi uff.uz nashri.