Italiyaning “Fiorentina” klubi bosh murabbiyi Paulu Souza yozda “Borussiya D” jamoasini boshqarishi mumkin. Biroq buning uchun “sariq-qoralar” ustozi Tomas Tuxel jamoani tark etishi zarur.
Bild nashrining yozishicha, o'tayotgan haftada dortmundliklar vakillari Souza bilan uchrashib, dastlabki muzokaralarni o'tkazgan.
“Borussiya D” klubining sport direktori Xans-Yoaxim Vattskening so'zlariga ko'ra, Tuxel yozda boshqa klubda faoliyatini davom ettirishi mumkin.
Eslatib o'tamiz, Souza futbolchi sifatida 1996-1997 yillarda “Borussiya D” sharafini himoya qilgan.
— deya xabar beradi uff.uz nashri.