Portugaliya terma jamoasi hujumchisi Krishtianu Ronaldu JCh saralashi doirasida Vengriyaga qarshi kechgan bahsda ikkita gol urdi va 3:0 hisobidagi g'alabaga hissa qo'shdi.
Shu tariqa "Real" hujumchisi terma jamoada urgan gollari soni 70 taga etdi va u Evropa terma jamoalari to'purarlari bahsida Gerd Myuller va Robbi Kindan o'zib ketdi. Ronaldu Portugaliya terma jamoasi tarkibida 12 ta dubl, uchta xet trik va bitta poker qayd etgan.
Ronaldu Armaniston terma jamoasi darvozasiga 5 ta, Andorra, Estoniya, Niderlandiya va Shvetsiyaga 4 tadan gol urgan. Portugaliyalik hujumchi faoliyati davomida 33 ta terma darvozasini ishg'ol etgan, ammo Frantsiya, Ispaniya, Germaniya, Italiya va Angliyaga birorta ham gol ura olmagan.
Terma jamoalar to'purarlari:
1. Ferents Pushkash (Vengriya/Ispaniya) – 84 gol - 89 o'yin
2. Shandor Kochish (Vengriya) – 75 (68)
3. Miroslav Kloze (Germaniya) – 71 (137)
4. Krishtianu Ronaldu (Portugaliya) – 70 (137)
5. Gerd Myuller (Germaniya) – 68 (62)
6. Robbi Kin (Irlandiya) – 68 (146)
7. Zlatan Ibragimovich (Shvetsiya) – 62 (116)
8. Imre Shlosser (Vengriya) – 59 (68)
9. David Vilya (Ispaniya) – 59 (97)
10. Yan Koller (Chexiya) – 55 (91)
11. Yoaxim Shtrayx (GDR) – 55 (102)
— deya xabar beradi uff.uz nashri.