«Sevinch» mini futbol bo'yicha XI O'zbekiston kubogida ishtirok etadi. Kubok bahslari 27 – 31 mart kunlari Toshkent shahridagi «Yoshlik» sport arenasida bo'lib o'tadi. Jamoamiz ikkiga bo'lingan holda bugun va ertaga Toshkentga safar uyushtiradi. Bunga sabab, bir guruh futbolchi qizlarimiz bugun darvozabonimiz Matluba Abdirasulovaning baxt oqshomida ishtirok etishadi va ertaga ertalab Toshkent shahriga jo'nab ketishadi. Bugun, kechki payt esa olti nafar futbolchimiz, jamoamiz ma'muri Dmitriy Konyarov boshchiligida Toshkentga borishadi. Bu futbolchilarimiz ertaning o'zida mini futbol bo'yicha XI O'zbekiston kubogi bahsidagi ilk uchrashuvda maydonga tushishadi. Eslatib o'tamiz, jamoamiz mini futbol bo'yicha amaldagi O'zbekiston kubogi sohibi hisoblanadi. «Sevinch» bu yutuqqa o'z tarixida o'n marta erishgan.
— deya xabar beradi uff.uz nashri.