“Napoli” klubi bosh murabbiyi Mauritsio Sarri 2015/16 yilgi Italiya chempionatining eng yaxshi murabbiyi sifatida Panchina d’Oro sovrinini qo'lga kiritdi. 58 yoshli mutaxassis 61ta murabbiy o'rtasida o'tkaziladigan so'rovnoma natijasiga ko'ra 25ta ovoz to'plab, Massimiliano Allegri (“Yuventus”, 22ta ovoz) va Eusebio Di Francheskoni (“Sassuolo”, 7ta ovoz) ortda qoldirdi. Eslatib o'tamiz, Sarri “Napoli”da o'zining birinchi yilida o'tgan Italiya chempionati yakuniga ko'ra klub bilan ikkinchi o'rinni egalladi. B Seriyada sovrinni “Krotone”ni klub tarixida ilk bor A Seriyaga olib chiqqan Ivan Yurich qo'lga kiritdi.
— deya xabar beradi uff.uz nashri.