Bugun O'zbekiston milliy terma jamoasi Toshkentdagi "Bunyodkor" stadionida Qatarga qarshi JCh-2018 Osiyo saralashida maydonga tushadi. Suriyadan uchralgan mag'lubiyat hamda himoya chizig'imizdagi yo'qotishlardan kelib chiqib, bugun kimlar asosiy tarkibda o'yinni boshlashi ko'pchilik uchun qiziq ekanligini ta'kidlamoqchimiz.  
Biz an'anamizga sodiq qolgan holda bugungi bahs uchun O'zbekiston tarkibini taxmin qilib ko'ramiz.
O'zbekiston klassik uslubda, ya'ni 4-4-2 yoki 4-4-1-1 taktikasi ostida o'yinni boshlaydi. Chunki, biz hech qachon 3-4-3 o'ynamasak kerak.
Demak, tarkib quyidagicha:
O'zbekiston: Aleksandr Lobanov - Aleksandr Merzlyakov, Egor Krimets, Anzur Ismoilov, Davron Hoshimov - Sardor Rashidov, Odil Ahmedov, Aziz Haydarov, Server Jeparov - Eldor Shomurodov, Igor Sergeev
Maydondagi joylashuv quyidagicha bo'ladi:
Balki Sergeev o'rnida Bikmaev yoki Abduxoliqovlar harakat qilishi mumkin. Yana bir ma'lumotimiz bor: bugun Dostonbek Hamdamov asosiy tarkibda tushishi ham mumkin. Bizga qolsa, Jeparov o'rnida Iskandarov yoki boshqa futbolchi tushsa ham bo'lardi. Chunki, Server hozir avvalgi Server emas. Agar bugun Shomurodov va Rashidovlar asosiyda tushmasa, buni faqat Babayanni shaxsiy qarashlariga yo'yamiz.
Xullas, bu bir taxmin xolos, yakuniy qarorni murabbiylar shtabi qiladi.
Sizningcha kim asosiy tarkibda maydonga tushadi? Kimlar ilk daqiqadan o'ynashga munosib?
— deya xabar beradi uff.uz nashri.