"Bavariya" bosh murabbiyi Karlo Anchelotti "Arsenal" hujumchisi Aleksis Sanchesni qo'l ostida ko'rishni istamoqda.
Italiyalik murabbiy Sanchesning jamoaga foydasi tegishiga ishonmoqda. Chili terma jamoasi hujumchisining "Arsenal" bilan shartnomasi 2018 yilning yoziga qadar davom etishi lozim.
Londonliklar Sanches bilan yangi shartnoma imzolashni istamoqda. Ammo muzokaralar mavsum oxiriga qadar to'xtab qolgan. Hujumchi Angliya chempionatida 27 o'yinda maydonga tushib, 18 ta gol urgan va 9 ta golli uzatmani amalga oshirgan.
— deya xabar beradi uff.uz nashri.