Tumanli Albion deb ataluvchi o'lkaning futbol bo'yicha musobaqalari juda qiziqarli va tomoshabop o'tishi barchaga yaxshi ma'lum. Eng muhimi, bu chempionatda kutilmagan natijalar juda ko'p uchraydi va buning oqibatida, qaysidir o'yin natijasi uchun arzimagan pul tikkanlarning birdan boyib ketishi ehtimoli yuqori. Tadqiqotlarga ko'ra, Buyuk Britaniyada o'rtahol bir oila har yili bukmekerlik idoralariga o'rtacha 166 funtdan pul sarflaydi. To'g'ri, omad hamisha kelavermaydi, ammo ba'zida istisnolar ham ro'y berishi aniq. Quyida shu haqda hikoya qilinadi. 650 ming funt Londonda yashovchi bir fuqaro million funtning uchdan ikki qismini yutib oldi. Qanday qilib deysizmi? Gap shundaki, u ketma-ket sakkiz o'yindan iborat seriyaga pul tikib, qaysidir klublar o'yinning so'nggi 20 daqiqasida yutqaza turib, hisobni tenglashtirishi yoki g'alaba qozonishini taxmin qiladi. Ma'lum bo'lishicha, o'sha inson shuncha taxmin uchun atigi 100 funt pul tikkan ekan. Etti klub qahramonimizga etarlicha omad keltirdi, ammo hammasidan ham «Leyton»ning natijasi zo'r chiqdi. Bu klub «Koventri»ga qarshi o'yinning 91-daqiqasida mag'lubiyatdan qutulib qolib, 6 542 koeffitsientlik ko'rsatkich bilan qahramonimizning pulini 650 mingga ko'paytirib berdi. 585 ming funt Bu g'ayrioddiy hodisa shunday ro'y bergan: Angliyadagi kichik bir qishloqda yashovchi kishi 19 o'yinlik seriyaga bor-yo'g'i 1 funt pul tikadi. U durang o'ynayotgan jamoalarning biri so'nggi daqiqalarda g'alabani ilib ketishi uchun dov tikkandi. Seriya uzoq bo'lgani uchun bukmekerlar koeffitsientni dadillik bilan 683 738 ko'rsatkichga etkazishadi. Shunday qilib, har bir o'yin omadli janobga yutuq keltiraveradi. Ayniqsa, so'nggi uchrashuv - 2011 yil noyabridagi «Chelsi» va «Liverpul» klublari o'rtasidagi bahsda o'yin tugashiga uch daqiqagina qolganida «qizillar» himoyachisi Glen Jonson londonliklar darvozasiga g'alaba to'pini kiritadi va qahramonimizga yarim millionlik yutuqni tuhfa qiladi. 500 ming funt Ilgarilari APL klublarining ketma-ket muvaffaqiyatiga ishonganlar aksariyat hollarda «Manchester Yunayted» g'alabasi uchun pul tikishardi. Lekin ayting-chi, qanday qilib 1 666 666 ko'rsatkichli koeffitsentda «MYu»siz yutib olish mumkin?! Lekin bu - bo'lgan voqea. Boz ustiga, angliyalik bir omadli futbol ishqiboziga «qizil iblislar» emas, «Bavariya» katta dovni tuhfa qilgan. Mazkur hodisada o'sha kishi 15ta voqeaga atigi 30 pens (!) pul tikadi. Ehtimollik nazariyasi juda past bo'lgani uchun bukmekerlar yuqoridagi ko'rsatkichni belgilashgandi. Ammo taqdirni qarangki, pul tikkan janob Angliyaning beshta, Shotlandiyaning uchta ligasi, regbi va kriket chempionlari kim bo'lishini oldindan to'g'ri topa oladi. Eng muhimi, Myunxenning «Bavariya»si ChLda g'olib chiqib, so'nggi imkoniyatda ham o'sha muxlisga baxt keltiradi. Qiziq, o'ta dramatik ruhda o'tgan, hatto penaltilar seriyasiga murojaat qilingan finaldan so'ng omadli kimsaning holi nima kechgan ekan?! 272 ming funt 2011 yil angliyalik yana bir omadli insonga baxt keltiradi. Chunonchi, u 108 800 koeffitsientli ko'rsatkichga dov tikib, katta yutuqqa ega chiqadi. Taxminlar orasida «Vulverxempton» va «Blekbern» kabi autsayderlarning g'alabasi, «Barselon»ning kutilmagan mag'lubiyati bor edi. Lekin hal qiluvchi pallada muxlisning joniga Fernando Lorente oro kiradi. Ya'ni u kataloniyaliklarga qarshi o'tgan o'yin­ning so'nggi soniyalarida «Atletik»ni mag'lubiyatdan qutqarib qoladi. To'g'ri, mazkur durangdan so'ng keyingi bosqichga baribir, «Barsa» yo'l oladi. Ammo Fernandoning goli bashoratchi muxlisga naq 272 ming funt daromad keltiradi. 200 ming funt Bu hali hammasi emas davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.