“Milan“da ijara asosida o'ynayotgan “Everton” klubi yarim himoyachisi Jerar Deulofeu katta ehtimol bilan “Barselona” jamoasiga qaytadi. Bu haqida Mundo Deportivo nashri xabar tarqatdi. Manbada aytilishicha, kataloniyalik klub o'zining 23 yoshli tarbiyalanuvchisini 12 million evroga qayta sotib olish huquqidan foydalanishga qaror qilgan. Deulofeu yanvarda “Milan”ga o'tganidan so'ng shu zahoti asosiy tarkibdan joy oldi va Ispaniya termasiga chaqiruv oldi. “Milan” o'yinchini batamom sotib olish huquqiga ega emas.
— deya xabar beradi uff.uz nashri.