"Chelsi" himoyachisi Kurt Zuma jamoada qolish niyati borligini yashirmadi, ammo keyingi mavsumni ijara asosida boshqa klubda o'tkazishi mumkinligi haqida ham to'xtalib o'tdi. "Chelsi"ga kerakli futbolchi ekanligimni isbotlamoqchiman. Ikki yil oldin bu erga kelganimda o'z oldimga ulkan maqsad qo'yganman. Butun e'tiborim hozirgi kunga qaratilgan. Umuman olganda juda baxtliman. Jamoaning ishlari yaxshi ketmoqda. Biz buyuk ishlarni amalga oshirishga tayyormiz. Jahon chempionati oldidan ijara asosida jamoani tark etishim mumkinmi? Nimaga endi yo'q. Ko'ramiz, mavsum oxirida nimalar sodir bo'ladi, lekin hozir bor etiborim "Chelsi"ga qaratilgan. Ko'proq maydonga tushib "Chelsi"ga yordam berishga tayyorman. Lekin kelajagim haqida Antonio Konte bilan hali gaplashmadik", - deydi Zuma klub matbuot xizmatiga bergan intervyusida
— deya xabar beradi uff.uz nashri.