Angliya terma jamoasi bosh murabbiyi Garet Sautgeyt "Kristal Pelas" hujumchisi Uilfrid Zaxani bosh jamoa tarkibida ko'rish istagi borligini aytib o'tdi. "Angliya terma jamoasi boshqaruvini qo'lga olgach, tarkibda ko'rishni xohlagan ilk futbolchim - Zaxa bo'lgan. Ammo u avvalroq boshqa qaror qabul qilib bo'lgan ekan. Kot-d’Ivuar vakillari Zaxa bilan yarim yil muzokara o'tkazishdi. Men harakatni boshlaganda esa kech bo'lib bo'lgandi", - deydi Sautgeyt The Guardian nashriga bergan intervyusida. Eslatib o'tamiz, Uilfrid Zaxa hozirda Kot-d’Ivuar terma jamoasi uchun faoliyati ko'rsatmoqda.
— deya xabar beradi uff.uz nashri.