Madridning "Real" klubi sardori Serxio Ramos videotakrorlarni joriy qilish lozimligini ta'kidlab o'tdi. Eslatib o'tamiz, Frantsiya va Ispaniya terma jamoalari o'rtasida kechgan o'rtoqlik o'yini vaqtida (0:2) frantsuzlar kiritgan gol videotakror natijasida ofsayddan urilgani bois bekor qilingan edi.
"Men allaqachon aytganman, videotakrorlarni joriy etish lozim. Frantsiya bilan bo'lgan o'yinda aynan u hal qiluvchi ahamiyat kasb etdi.
Albatta bundan futboldagi shiddat biroz yo'qotilishi mumkin, ammo bu o'rinda gap rasmiy o'yinlardagi gol yoki qo'polliklar haqida ketmoqda. Shunday ekan, 5-10 daqiqa hech narsaga ta'sir o'tkazmaydi", - deydi Ramos.
— deya xabar beradi uff.uz nashri.