Avval xabar qilganimizdek, jamoamiz Toshkentda mini futbol bo'yicha XI O'zbekiston kubogida ishtirok etmoqda. Jamoamiz bu musobaqada ishtirok etish bilan birga, o'rtoqlik uchrashuvida ham maydonga tushdi. Toshkentda, Osiyo chempionati saralash bosqichiga hamda yopiq inshootlarda o'tkaziladigan Osiyo o'yinlariga tayyorgarlik yig'inini olib borayotgan Turkmaniston terma jamoasi sparring raqib bo'ldi. Ayni paytda jamoamizning ikkala darvozaboni ham terma jamoamiz safiga jalb etilgan. Bundan tashqari Maftuna Shoyimova, Nilufar Qudratova va Malika Burxanovalar kabi o'yinchilarimiz ham jamoamiz safida emas. Ular ham terma jamoa safiga chaqirilgan. Shunday bo'lsada, uchrashuvda jamoamiz 6:1 hisobida g'alaba qozondi. Uchrashuv to'liq jamoamiz ustunligida o'tdi. Birinchi bo'limda futbolchilarimiz uchta gol kiritishgan bo'lishsa, ikkinchi bo'limda ham shuncha gol urishdi. Turkmanistonlik futbolchi qizlar bu gollarga bir marta javob qaytarishdi xolos. «Sevinch» ertaga ham kubok bahslarining so'nggi uchrashuvida maydonga tushadi.
— deya xabar beradi uff.uz nashri.