Xabaringiz bor, bu mavsum boshida O'zbekiston milliy terma jamoasi sardori Odil Ahmedov Xitoyning “Shanxay SIPG” klubiga ko'chib o'tgandi.
Hamyurtimiz shu paytga qadar shanxayliklar tarkibida OChL-2017 bahslarida maydonga tushdi. Ammo Xitoy chempionati boshlanishidan oldin joriy etilgan 3 legioner limiti Odil uchun muammoga aylandi. Chunki “Shanxay SIPG”ning hujum chizig'ida 3 nafar braziliyalik to'p tepadi. Shuning bois terma jamoamiz sardori Xitoy chempionatida har doim ham maydonga tusha olmayapti.
Xitoy chempionatiga qo'yilgan cheklov natijasida Odil Ahmedov Shanxayni tark etmoqda. Hozircha hamyurtimiz qaysi jamoaga borib qo'shilishi borasida xabarlar yo'q. Balki Odil “Krasnodar” yoki so'nggi paytlarda natijalari ancha pasayib ketayotgan “Paxtakor” safini ijara asosida to'ldirar, buni vaqt ko'rsatadi. 
— deya xabar beradi uff.uz nashri.