«Manchester Siti» klubi bosh murabbiyi Xosep Gvardiola «Arsenal»ga qarshi kechgan uchrashuvdan (2:2) so'ng o'z fikrlari bilan o'rtoqlashdi. «Ikkinchi bo'limda «Arsenal» bizdan ko'ra yaxshiroq harakat qildi, biroq bu normal holat, bizda xatolar ustida ishlashga hali vaqt bor. Biz birinchi bo'limda deyarli o'ynamadik. Goldan so'ng o'ynash istagi qaergadir yo'qoldi va biz umuman harakat qilmadik. Ikkinchi bo'limda vaziyat yaxshi tomonga o'zgarganday bo'ldi. Birinchi bo'limda to'p uzatishlarda ko'p xato qildik va bu o'yinimizga ta'sir qildi. Xesus Navasni tabriklamoqchiman, u o'ng qanot himoyasida juda yaxshi harakat qildi va dunyoning eng yaxshi hujumchilaridan biri – Aleksis Sanchesga munosib qarshilik ko'rsatdi. Uni bu qanotga qo'yishimga sabab bor, Sanya jarohat olgan, Sabaleta esa hali tiklanishga ulgurgani yo'q. «Chelsi» bilan o'yin? Biz o'z oldiga qo'yilgan vazifani tushungan va bir maromda ketayotgan klubga qarshi o'ynaymiz. Tiklanish uchun bizda ko'p vaqt mavjud emas, ammo hozir Manchesterga qaytib tayyorgarlikni o'taymiz, so'ngra Londonga yo'l olamiz», – deydi Gvardiola.
— deya xabar beradi uff.uz nashri.