Kataloniyaning "Barcelona" jamoasi La liganing ushbu mavsumida eng sermahsul jamoa bo'lib turibdi.  Luis Enrike shogirdlari ortda qolgan 28 o'yinda raqiblar darvozalariga 81 ta gol kiritishdi.  Ular bu borada "Real"dan 10 ta ko'p gol urishgan. Messi va uning sheriklari ana shu gollarning 57 tasini kombinatsiyalar orqali kiritishgan.  "Real"da bu ko'rsatkich 45 tani tashkil etmoqda.  Demak,  kombinatsion hujumlar samaradorligi bo'yicha "Barcelona" ustunlik qilmoqda. Qarshi hujumlardan urilgan gollar bobida ustunlik Madrid klubi tomonida.  Ronaldu va uning sheriklari 5 marta,  "Barcelona" esa 4 marta qarshi hujumlardan unumli foydalanishgan. Standart vaziyatlardan urilgan gollar bo'yicha ham "qirollik klubi" kichik ustunlikka ega.  Toni Kroosning burchakdan va jarima to'plaridan uzatayotgan to'plari "Real"ga katta foyda keltirayotgani ko'pchilikka sir emas.  Ushbu natija bo'yicha hisob 15: 14 Madrid foydasiga! "Real"da Krishtianu Ronaldu 6 ta penaltidan unumli foydalangan bo'lsa,  "Barcelona" safida Lionel Messi 4 ta va Neymar 1 ta 11 metrlik "nuqta"dan darvozani ishg'ol etishgan.  Penaltidan kiritilgan gollar bobida ham kichik ustunlik Zidan shogirdlari tarafida. Avtogollar haqida ham to'xtalib o'tadigan bo'lsak,  bu borada "Barcelona" raqibidan 1:0 hisobida oldinda. Davomi>>
— deya xabar beradi uff.uz nashri.