Madridning "Real" klubi sobiq futbolchisi Alvaro Arbeloa "Barselona" himoyachisi Jerar Pikega javob qaytardi. Pike yaqinda bergan intervyusida "Real"da hech qachon ishlamasligi, chunki bu klub qadriyatlarini tushunmasligini aytgan edi.

"Real"ning qadriyatlari haqida so'raganlarga Xuanito haqida so'zlab beringlar. Biz istagan barcha narsa unda mujassam edi. Biz uni unutmaymiz", - deydi Arbeloa.

Eslatib o'tamiz, Xuanito "Real" safida 1977 yildan 1987 yilga qadar to'p surgan va 284 uchrashuvda 85 ta gol urgan edi. U 1992 yilda UEFA Kubogi doirasida "Real" va "Torino" o'rtasida kechgan o'yinni tomosha qilib qaytayotganda avtohalokatga uchrab, vafot etgan.
— deya xabar beradi uff.uz nashri.