Bugun faxriylar o'rtasidagi Respublika birinchiligi yakuniga etdi. Final uchrashuvida “Bunyodkor” va “Qo'qon-1912” jamoalari kuch sinashishdi. O'yinda biroz ustunlikka erishgan toshkentliklar 2:1 hisobida g'alaba qozonishdi va mamlakat chempioni degan nomga sazovor bo'lishdi. Faxriylarimizdan Umid Quvvatov o'z hisobiga bitta gol yozib qo'ydi. “Bunyodkor”dan Igor Li va Alisher Bozorov darvozamizni ishg'ol etishdi. Shunday qilib, o'tgan mavsumda oltin medalni qo'lga kiritgan qo'qonliklar bu yil kumush medali bilan kifoyalanishdi. Aytgancha, qo'qonliklar darvozaboni Farhod Musajonov ettita o'yinda o'z darvozasidan gol o'tkazib yubormadi. Uchinchi o'rin uchun kechgan bahsda “Nasaf” faxriylari “Navoiy” jamoasi faxriylarini 3:0 hisobida dog'da qoldirib, bronza medalini qo'lga kiritishdi. Faxriylar o'rtasidagi Respublika birinchiligi, Final.
“Bunyodkor” – “Qo'qon-1912” 2:1 (0:1)
Gollar: Igor Li, Alisher Bozorov. – Umid Quvvatov.
“Bunyodkor”: U. Roziqov, A. Bozorov, A. Xvastunov, I. Li, S. Lushan, A. Chiritsa, R. Rajabov, A. Toirov, A. Xutin, A. Yusupov, S. Tursunov.
Zaxira: A. Inoyatov, S. Narziqulov, H. Karimov, S. Abdurahmonov, A. Xarin, M. Sobirov. “Qo'qon-1912”: F. Musajonov, J. Tojiboev, M. Mansurov, R. Jo'raev, S. Meliboev, A. Niyozov, A. Ortiqov, B. Abdullaev, M. Abduvaliev, U. Quvvatov, S. Shokirov.
Zaxira: N. Hasanboev, I. Mamadiev, G'. Sharopov, Z. Nurmatov, K. Aminov, A. Toshmatov, B. Azimov. Final uchrashuvi yakuniga etgach, taqdirlash marosimi o'tkazilib, g'olib va sovrindorlar O'FFning maxsus kubogi, diplom va esdalik sovg'alar bilan taqdirlanishdi.
— deya xabar beradi uff.uz nashri.