Turkiyaning "Beshiktosh" klubi "Chelsi" yarim himoyachisi Fransesk Fabregasni sotib olishi mumkin. Aksam nashrining xabariga ko'ra, jamoa prezidenti Fikrat Orman futbolchi bilan muzokara o'tkazish uchun Londonga uchib kelgan. Bugun Fikrat "Chelsi" rahbariyati bilan ispaniyalik yarim himoyachi transferi bo'yicha muzokara o'tkazadi. "Beshiktosh" Fabregasni yozgi transferlar mavsumida Turkiyaga ko'chib o'tishini jiddiy istamoqda. Ma'lumot uchun, Fransesk Fabregas joriy mavsum "Chelsi" safida 20 uchrashuvda maydonga tushib, 4 ta gol va 7 ta foydali uzatmani amalga oshirgan. Shuningdek, Fabregas 20 uchrashuvning faqatgina 8 tasida asosiy tarkibdan joy egallagan.
— deya xabar beradi uff.uz nashri.