“Yo'qol “Yuventus”ingga! Endi sen biz uchun hech kim emassan! Ko'rarga ko'zimiz yo'q! Do'zaxda yonib kul bo'l”. Bir necha soat mana shu tarzdagi baqir-chaqirdan so'ng, “Napoli”ning 9 raqamli futbolkasi yondirildi, bu Iguainga tegishli futbolka edi. Bu jarayon yuzaga kelishidan bir necha soat oldin, Gonsalo “keksa sinyora”liklar bilan 4 yillik shartnoma imzoladi. “Yuventus” transfer amalga oshishi uchun neapolliklarga 90 mln evro to'ladi. Bu esa Iguainni dunyodagi eng qimmat futbolchilar orasida 2 o'ringa turishini ta'minladi. Argentina yoshlari uchun 3 ta yo'l bor: 1. Qaroqchi bo'lib, pul o'g'irlab kun ko'rish, 2. Oyligi kam bo'lsada biron joyda ishlash. 3. Futbolchi bo'lib Jahon darajasiga ko'tarilishga urinish. Gonsalo Iguain Frantsiyaning Breste shahrida tug'ilganiga qaramay, u do'stlariga ergashgan holda qaroqchi bo'lishi ham mumkin edi. Ammo u o'z oldiga sportchi bo'lishni maqsad qildi. Gonsaloning otasi Xorxe o'z faoliyati davomida (Boka Xuniors, “Brest”, “River Pleyt”) kabi klublarda harakat qilib jahon darajasiga ko'tarila olmagandi. Shu bois Iguain otasining orzusini amalga oshirish maqsadida shu yo'lni tanlaydi. Aytgancha Xorxe Iguainning laqabi Pipa bo'lgan. Shu sababdan Gonsaloni yoshligidan kichkintoy Pipa ya'ni Pipito deb atay boshlashgan. Pipito futbol bilan uncha qiziqmasdi. Uning yoqtirgan sporti tennis edi. Gonsalo hech qaysi uchrashuvni o'tkazib yuborgisi kelmasdi. Ammo uning otasi va “River Pleyt” jamoasining murabbiyi uni futbolga borishini talab qilishadi va bu to'g'ri qaror bo'lib chiqdi. Kichkintoy Iguain bilan “River” jamoa murabbiylari, to'liq grafikda ish olib borishardi. Ertalab – birinchi mashg'ulot, kunduzi – ba'zida nazariya, kechqurunga yaqin yana bir mashg'ulot o'tkazardi. Iguain mashg'ulotlardan so'ng bir o'zi “River” ba'zasida qolib asosan, chopishlarni, to'p uzatishlarni va uzoq masofadan zarba berishlarni takrorlardi. Ko'p o'tmay 2005/06 yilgi mavsumda evropa grandlari “Manchester Yunayted”, “Barselona”, “Inter” va “Milan” kabi jamoalar katta pul taklif qilishadi. Ammo «Real»ning 13 mln evrolik taklifi “River Pleyt”ga ma'qul keladi. “Iguain – bu sifat belgisidir. U jon jahdi bilan harakat qilmagan paytida ham maydondagi eng yaxshi o'yinchi bo'ladi. U – jahon yulduzidir!” Daniel Passarella Poytaxtda u har vaqtda va har xil raqobatga duch keladi. Gonsalo “galaktikos” safidan Ronaldo, Raul, van Nistelrooy va Benzemalarni asosiy tarkibdan chiqarishga harakat qiladi. Ammo har safar ham qo'lidan kelmaydi. «Real» Iguain xotirasida ikki xil taassurot qoldi. U maydonda tushardi va ko'p gol urdi, biroq zahirada ko'p o'tirardi va 100 foizlik vaziyatlarni golga aylantira olmasdi. Matbutdagilar uni botqoqqa solishsada, shu bilan birga yana yoqtirishardi. Shundan so'ng evropa grandlari yana Iguain uchun kurash olib borishdi. “Yuventus” va «Arsenal» jamoalari o'z klub transfer rekordini yangilashga tayyor bo'lsalar, “Chelsi” klubi esa APL transfer rekordini yangilashga tayyor edi. Bu grand jamoalarini esa kamtarona “Napoli” jamoasi ortda qoldirdi. Aurelio De Laurentis har matbuot anjumanida Gonsalo “Napoli” jamoasiga kerakligini aytib o'tardi va uning kumiri Diego Maradona bir paytlar neapolliklar safida harakat qilganini ham eslab o'tgan. “Maradona erishgan natijalarni qaytarishim mumkinmi? U qilgan narsalarni takrorlash juda ham qiyin. Men “Napoli”ga kuboklar yutish va o'z tariximni yozish uchun kelganman. Buning uchun biz har bir chempionatda oxirigacha kurashishimiz lozim”. Gonsalo Iguain   “Iguain “Napoli” jamoasiga o'tganligi haqidagi yangilik meni juda quvontirdi. Men Gonsalo uchun juda ham xursandman. Napolidagi mening muxlislarim, do'stlarim va jamoa shtabidagi kasbdoshlarim hammalari Iguainni qo'llab-quvvatlashadi deb o'ylayman”. Diego Maradona 2013 yilda Kapri orolida dam olayotgan paytda, yiqilib yuzini toshga uradi va shifoxonaga tushadi. Buni eshitgan jamoa prezidenti Aurelio kurort xo'jayinini sudga berib ulardan 100 mln evro talab qiladi. Bir yildan keyin Jahon chempionatining final o'yinida Noer bilan birga bir chiqqan holatni golga aylantira olmaydi va yana bir yildan so'ng Amerika kubogi finalida ham xuddi shunday vaziyatni chippakka chiqaradi. Bu bilan Argentina 2 ta oltin medaldan quruq qoladi. «Men uxlay olmasdim. Bu qanday yuz berganini ko'p o'ylardim va bunga ishongim kelmasdi. Bu vaziyat endi  Davomi quyidagi linkda
— deya xabar beradi uff.uz nashri.