«Roma» klubi agarda Luchano Spalletti jamoani tark etadigan bo'lsa, Roberto Manchinini jamoaga taklif qiladi, deya xabar qilmoqda Football Italia nashri. Manbada aytilishicha, rimliklar klubi «Inter» sobiq bosh murabbiyi bilan bog'langanlar. Manchini avvalgi maoshidan kamroq bo'lgan mablag' evaziga ham ishlashga rozilik bildirgan, uning «Inter»dagi maoshi yiliga 4,5 mln evro edi. Shuningdek, klub rahbariyati «Milan» ustozi Vinchentso Montella variantini ham ko'rib chiqmoqda. 42 yoshli mutahassisning jamoa bilan amaldagi shartnomasi 2018 yilga qadar mo'ljallangan, biroq «Milan» klubining sotib yuborilishi murabbiyning klubdagi kelajagini so'roq ostida qoldirishi mumkin.
— deya xabar beradi uff.uz nashri.