Argentina terma jamoasi bosh murabbiyi Edgardo Bausa egallab turgan lavozimidan ozod etiladi. Bu haqda Mundo Deportivo xabar bermoqda. Ma'lum bo'lishicha, Argentina futbol assotsiatsiyasi (AFA) mutaxassisning qayd etayotgan natijasidan qoniqish hosil qilmagach shu qarorga keldi. Bausa AFA qabul qilgan qarordan hozircha bexabar, u rasman kelasi hafta o'z lavozimini bo'shatishi kutilmoqda. Janubiy Amerika qit'asidan JCh–2018 turniriga saralash bosqichi 14-turidan keyin Argentina 22 ochko bilan 5-o'rinni egallab turibdi. Ushbu guruhda Braziliya muddatidan avval JCh yo'llanmasiga ega bo'ldi. 
— deya xabar beradi uff.uz nashri.