Bugun Namangan "Markaziy" stadionida mahalliy "Navbahor" jamoasi Muborakning "Mash'al" jamoasini qabul qiladi. Hozircha sizlarga o'yindan oldingi qiziqarli faktlarni taqdim etamiz. O'zbekiston chempionatining ushbu mavsumida Muborakliklar “Dinamo” bilan birga eng kam gol o'tkazib yuborgan (1 dona) klub bo'lib turishibdi. “Gazchilar” darvozasini Marat Bikmaev ishg'ol qilgan xolos. Xuddi “Navbahor” kabi “Mash'al” tarkibida ham O'zbekiston chempionatining joriy mavsumida bittadan ortiq gol urgan o'yinchi hozircha yo'q. Muborakliklar o'tkazilgan 4 o'yinning uchtasini o'z maydonida o'tkazganini qo'shimcha qilish lozim. Shu bois jamoa mehmondagi o'yinlarda 100 foizli ko'rsatgich qayd etmoqda. “Navbahor” har bir o'yinda gol urishni uddalamoqda. “Mash'al” esa birinchi turda “Lokomotiv” darvozasiga yo'l topa olmagan. Ketma-ket 3 o'yindan buyon “Mash'al” o'z darvozasi daxlsizligini saqlab kelmoqda. “Gazchilar” darvozaboni Javohir Ilyosov 298 daqiqadan buyon “quruq seriya”ni namoyish etmoqda. Bu joriy mavsumda hozircha rekord O'tgan turda maydondan chetlatilgan "Navbahor" yarim himoyachisi Oybek Qilichev bugun maydonga tushmaydi. Bugungi uchrashuvni andijonlik Temurbek To'xtasinov boshchiligidagi hakamlar brigadasi boshqarib boradi. To'xtasinov Oliy liganing amaldagi mavsumida bir o'yinda (2- tur, “Nasaf” – “Buxoro” 2:1) ishlagan xolos. Bugun "Navbahor"ning sobiq futbolchilari darvozabon Botir Nosirov va o'tgan mavsumning birinchi yarmini "lochinlar" safida o'tkazgan ukrainalik yarim himoyachi Vladislav Pavlenko "Navbahor"ga qarshi maydonga tushishi mumkin "Navbahor" yarim himoyachisi Mirzohid G'ofurov va markaziy himoyachi G'iyos Komilov katta extimol bilan sobiq jamoalari "Mash'al"ga qarshi maydonga tushishadi.
— deya xabar beradi uff.uz nashri.