“Chelsi” bosh murabbiyi Antonio Konte o'zining kelajakdagi rejalari va Andrea Pirlo uning yordamchisi bo'lishi haqidagi mish-mishlarga oydinlik kiritdi. Kontening Angliyadagi debyut mavsumi yorqin natijalarni taqdim etmoqda: “ko'k”lar Premer-Liga chempionligi uchun dadil qadam tashlamoqda, bundan tashqari Angliya Kubogidagi imkoniyatlari ham saqlanib qolmoqda. Borgan sari Antonio kelajagi borasidagi mish-mishlar ham ko'payib bormoqda. Shu hafta italiyalik agent Federiko Pastorelloning ta'kidlashicha, Konte “Chelsi” ketishi va “Inter”ni boshqarishi mumkin. 47 yoshli Konte bu xabarni rad etdi va uning yaqin kelajagi “ko'k”lar bilan bog'liq ekanini aytib o'tdi. “Men Federiko Pastorellining intervyusini o'qidim. Men uni tanimayman, va u nega men haqimda gapirganini tushunmadim.
O'ylaymanki, men shu erda qolaman. Men “Chelsi”daligimdan hursandman va bu hamma narsadan ustun. Boshqa odamlar men haqimda gapirishini yoqtirmayman. Mening “Chelsi” bilan shartnomam yana 2 yilni tashkil qiladi – bunisi haqiqat. Bu kabi hodisalarda mening ismimni ishlatishlari odatiy holat deb o'ylayman, chunki men Italiyada ishlaganman va ular meni qaytishimni istashmoqda”, – deya Kontening so'zlarini keltirmoqda Sky Sports nashri. Antonio yozda Angliya terma jamoasida ish boshlaydigan yordamchisi Stiv Xollandning o'rniga Andreo Pirlo tayinlanishi mumkinligi haqidagi habarlarga ham to'xtalib o'tdi. “Bu kabi xabarlarni ko'p eshitdim, lekin Andreo futbolchilik faoliyatini yakunlagani yo'q va o'ynashda davom etmoqda. Shuning uchun ham bu hodisalar nega men bilan bog'liq ekanini bilmayman. Men uchun jamoaning hozirgi ahvoli muhimroq sanaladi. Men barcha e'tiborni mavsumni muvaffaqiyatli yakunlash uchun qarataman” – deya qo'shimcha qildi Konte.
— deya xabar beradi uff.uz nashri.