Ispaniya chempionatining 31-turidan o'rin olgan «Malaga» – «Barselona» uchrashuvi yakunlandi. Unda 2:0 hisobi qayd etilib, «Malaga»ning g'alabasi bilan yakunlandi. Uchrashuvning 32-daqiqasida Sandro Ramires mezbonlarni oldinga olib chiqdi. 65-daqiqadan boshlab kataloniyaliklar o'yinni o'n kishi bo'lib davom ettirishga majbur bo'ldilar, Neymar raqib o'yinchisi Diego Lorentega nisbatan qo'pol harakati uchun maydondan chetlatildi. Ikkinchi bo'lim so'nggida Xoni Rodriges jamoasining ikkinchi goliga mualliflik qildi va «Malaga»ga ishonchli g'alabani taqdim etdi. Shu tariqa ushbu mag'lubiyatdan so'ng «Barselona» turnir peshqadami «Real»ga etib olish imkoniyatini qo'ldan chiqardi va ulardan uch ochko ortda bormoqda. Ispaniya chempionati, 31-tur Malaga – Barselona 2:0  Gollar: 1:0 – 32 Sandro Ramires, 2:0 – 90 Xoni Rodriges. Malaga – Kameni, Ernandes, Rikka, Rosales, Lorente, Fornals, Xuan Karlos (Xoni Rodriges, 83), Kamacho, Resio, Anor (Penyaranda, 67), Sandro Ramires (Sharles, 77). Barselona – ter Stegen, Mate (Serdji Roberto, 46), Umtiti, Alba, Maskerano, Andre Gomesh (Pako Alkaser, 61), Buskets, Denis Suares (Inesta, 46), Neymar, Messi, Suares. Ogohlantirishlar: Alba (8), Neymar (27), Umtiti (33), Rikka (37), Resio (45), Penyaranda (69), Xuan Karlos (82), Maskerano (87). Chetlatish: Neymar (65).
— deya xabar beradi uff.uz nashri.