«Manchester Yunayted» klubi sobiq hujumchisi Federiko Makeda 2011 yilda mankunianliklar bosh murabbiyi Aleks Fergyusonning maslahatiga quloq solmagani va «Sampdoriya»ga ijaraga ketganini faoliyatidagi eng katta xatosi sifatida tan oldi.
- Fergyuson meni ijaraga ketishimni istadi va men ham bu qarorni to'g'ri deb topdim. Angliya chempionatidagi juda ko'p klublar meni o'z safiga qo'shib olishni istagandi. Ular orasida «Everton» va «Sanderlend» ham bor edi.
Ammo men Italiyada o'ynashni istadim, biroq Fergyuson bunga qarshi bo'ldi va Angliyada qolishimni so'radi. U meni kuzatib borish uchun shunday degan edi. Biroq men A seriyada o'ynashni istadim va bu faoliyatimdagi eng katta xato edi, - deydi Makeda.
— deya xabar beradi uff.uz nashri.