Bu yigit inson zotiga taalluqli bo'lgan barcha ijobiy va salbiy xususiyatlarni o'zida jamlagan. Bir qarasangiz, o'z vatandoshlari va homilador ayolni Glazgodagi Elder-Parkda shirakayf bezorilar changalidan xalos etayotgan, boshqa kuni esa murabbiy bilan pivoxo'rlik qilayotgan bo'ladi. Taajjubki chekish va ichkilikdek zararli illatdan forig' bo'la olmagan futbolchiga shunchaki o'rtamiyona nashr­lar emas, La Gazetta Dello Sportdek obro'li gazeta dunyoning eng mohir darvozabonlari uchligidan joy bergandi. Oradan ikki oy o'tar-o'tmas, yuksak bahoga munosib ekanligini amalda isbotladi. Marhamat dunyoning eng bebosh darvozaboni bo'lmish Artur Boruts va uning faoliyati bilan tanishing. Darhaqiqat, polshalik posbon Shotlandiyada o'ta yorqin o'yinlarni namoyish etgandi. Jumladan, 2007 yili avgustda bo'lib o'tgan «Spartak»­ka qarshi bo'lib o'tgan bahsda aynan «Qirol Artur»ning mahorati evaziga «Seltik» EChLdagi faoliyatini davom ettirgandi. Jamoalar tanaffusga yo'l olgan paytda Artur Vladimir Bistrovga qarshi harakat qilgan jamoadoshi - Li Neylorning boplab ta'zirini bergan, hatto yuziga tarsaki tortib yuborgandi. Chunki aynan shu himoyachining bo'shangligi oqibatida «Seltik» darvozasi oldida ko'plab xavfli vaziyatlar yuzaga kelgan. Boruts tang ahvolga tushib qolgandi. Jamoadoshlari bir amallab Neylorni ajratib olgan bo'lsalarda, Artur anchagacha tinchlana olmadi. Xullas, Moskvadagi bellashuvni penaltilar seriyasigacha olib borgan darvozabon Titov hamda Kalinichenko zarbalarini qaytargach, muvaffaqiyatni qanot qoqayotgan qushcha harakatini tasvirlash orqali nishonlashga kirishdi. Chunki Roman Pavlyuchenkoning zarbasidan so'ng to'p darvoza ustiniga tegib, ortga qaytgandi. Shundan so'ng glazgolik muxlislar Borutsni navbatdagi oliy unvon - «Avliyo darvozabon» taxallusi bilan taqdirlashdi. Ular polshalik posbonda qandaydir g'ayri-tabiiy qudrat borligiga 100 foiz amin edilar. Qizig'i, Arturning o'zi ham buni inkor etmasdi: «So'nggi paytlarda bolalik yillarim tushimga kiradigan bo'lib qoldi. Go'yo liftda 10-qavatga ko'tarilayotgan bo'laman. Shunda to'satdan qandaydir jin paydo bo'lib, meni quva boshlaydi. Baqirganimcha undan uzoqlashishga urinaman. Ammo u tezda etib oladi. Menga ziyon etkazmagan holda erkalab qitiqlaydi». Sedltse Varshavadan 100 km. uzoqlikda joylashgan mittigina shaharcha. Sharqiy Evropa an'analari asosida bunyod etilgan ko'p qavatli o'ylardan boshqa inshootlar bo'lmagan bu maskanda yashash juda zerikarli. Xokkeychining o'g'li bo'lgan Artur uchun zerikmaslikning agona vositasi sport bo'ldi. Avvaliga basketbolga qiziqqandi. 9 yoshga chiqqanida akasi Xerbert bilan mahalliy «Pogon» FKning mashg'ulotlariga tashrif buyuurdi. Qisqasi, futbol olamiga ajoyib darvozabonni hadya etgan ikki kishining biri - Xarbert bo'ldi. Ikkinchisi - murabbiy Yozef Topchevski bo'lib, Borutsni dast­avval hujum chizig'ida sinab ko'rgandi. Tez orada Arturdagi yuksak reaktsiya va tuproqqa qorishishga bo'lgan kuchli ishtiyoq qarorni o'zgartirishga majbur etdi. Aka-uka Borutslar tashqi ko'rinish bo'yicha o'xshash bo'lsalar-da, Xerbert o'ta qaysar, Artur esa itoatgo'y, yuvosh tabiatli edi. Shu bois onasi - Yadviganing azaliy orzusini ro'yobga chiqarishni Xerbert cho'rtkesarlik bilan rad etdi. Ukasi esa ona istagiga ko'ra «Xodovyatsi» raqs to'garagiga qatnay boshladi. Ilk mashg'ulotga onasi hamrohligida borgan Boruts bir qator raqslarni o'zlashtirdi. Keyinchalik «Pogon» tarkibiga qaytdi. U paytda tengdoshlari ikki yosh toifasini ortda qoldirishgandi. 13 yoshli Artur o'zining dastlabki xalqaro musobaqasini Daniyaning Xyorning shahrida o'tkazib, turnir g'olibligini qo'lga kiritgandi. 16 yoshli Boruts «Pogon» tarkibidan joy olib, jamoasi kabi klublarga qarshi maydonga tusha boshladi. Bu yo'l bilan tirikchilik qilib bo'lmaydi, deb hisoblaydigan buvisi qistovi bilan engil avtomobillar chilangari ixtisosi bo'yicha o'qishga kirdi. Ma'lum muddatdan so'ng yana «Pogon»ga qaytdi. Ikki yil o'tgach, yosh darvozabonga omad kulib boqdi - Varshavada taniqli «Legiya»ga qarshi maydonga tushdi. Raqib hujumchilarini bartaraf etgan Artur Polsha grandi murabbiylarining e'tiborini tortdi. Yarim yildan keyin poytaxt klubi bilan Sitsiliya yig'iniga yo'l oldi. Lekin «Legiya» tarkibidan joy olish Borutsga nasib etmadi. Asosiy posbon lavozimi Gjegoxi Shamotulski tomonidan band etilgan, Voytsix Kovalevskining raqobatini sindirish ham oson emasdi. Oqibatda Artur 1,5 yil zaxirada yurdi, keyin «Doltsan» klubiga ijaraga berildi. «Surgun»dagi 10-15ta uchrashuvdan keyin poytaxtga qaytgan kiper bir necha yildan keyin «Legiya» ramziy termasidan joy olishga muvaffaq bo'ldi.  Artur Boruts Shotlandiyaga futbolchi sifatida emas, shunchaki sayyoh bo'lib borganida ham «Reynjers»ning ashaddiy raqibiga aylanishi hech gap emasdi - protestant va katolik dini vakillari azaldan chiqisha olishmagan. «Ko'hna firma» nomi bilan mashhur bo'lgan «Seltik»-«Reyn­jers» qarama-qarshiligining asosiy kuchi ham diniy ziddiyatning mahsuli: «Seltik» - katoliklar klubi, «Reynjers» esa - protestantlarniki. Tabiiyki, Boruts ham «Reynjers»ga qarshi ilk uchrashuvdayoq chinakam dushmanga aylandi. Raqib muxlislari sektori qarshisida  Bu hali hammasi emas, davomi bu erda InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.