“Paxtakor” FK muassislari o'zgargani haqida tarqatilgan xabarlar haqiqatga mutlaqo mos kelmaydi. Bu haqida “Paxtakor” futbol klubi matbuot xizmati Uff.uz'ga rasman xabar berdi. Xabarda quyidagicha ma'lumot berilgan.
"Bugungi kunda “Paxtakor” FK mas'uliyati cheklangan jamiyat hisoblanib, u 100 % Toshkent shahar hokimiyati tasarrufida. Internet saytlarida bir necha bor tarqatilgan xabarlar esa hech qanday asosga ega emas. Ayni vaqtda “Paxtakor” FK bu xabarlar yuzasidan sudga murojaat qilish huquqiga ega.
Klub barcha turdagi OAV vakillariga murojaat qiladi va “Paxtakor” FK haqidagi xabarlar faqatgina klub rasmiy saytida tarqatilgan taqdirda haqiqatga mos kelishini bildiradi", - deyiladi xabarda.
Eslatib o'tamiz, biroz vaqt muqaddam “Paxtakor” futbol klubi aktsiyalari tadbirkor Alisher Usmonov tomonidan sotib olingani xabar qilingan edi.
— deya xabar beradi uff.uz nashri.