"Manchester Yunayted" yarim himoyachisi Maykl Kerrik yangi shartnoma haqida fikr bildirarkan, yoshligida "Nyukasl"ga muxlislik qilganini tan oldi. Biroq yarim himoyachi "MYu"dan boshqa ingliz klubida o'ynamasligini ta'kidlagan.
"Men bolaligimda "Nyukasl"ga muxlislik qilardim va bir kun kelib bu klubda o'ynashni orzu qilardim. Ammo u kunlar orda qoldi. Omadim keldi, deb hisoblayman, chunki "MYu"da uzoq muddat davomida to'p surdim.
Oldinga o'tib ketishni istamayman. "MYu"da uzoq vaqt o'ynadim va bundan rohat oldim. Boshqa biror ingliz klubida o'ynamayman, bu aniq.
Yangi shartnoma borasida esa ko'ramiz, nimalar bo'lar ekan. Menda hech qanday reja yo'q. Shunchaki ayni vaqtdagi o'yinimdan rohat olyapman", - deydi Kerrik.
— deya xabar beradi uff.uz nashri.