“Real” klubi yarim himoyachisi Xames Rodriges klubdan ketish niyatida. Ma'lumotlarga ko'ra, Primeroning 11-turidan o'rin olgan “Sevilya”ga qarshi o'yindan keyin Rodriges bosh murabbiy Rafael Benites bilan kelisha olmay qolgan. Benites o'yindan keyingi matbuot anjumanida Xames hali jarohatidan to'liq forig' bo'lmagani uchun uchrashuvni asosiy tarkibda boshlamaganini aytib o'tgan. Ammo Rodrigesning ta'kidlashicha, unda sog'lig'i bilan bog'liq hech qanday muammo yo'q. U asosiy tarkibda tushishga tayyor bo'lgan. Endilikda kolumbiyalik futbolchi jamoadan ketish haqida o'ylamoqda.
— deya xabar beradi uff.uz nashri.