"Barselona" va "Yuventus" klublari sobiq himoyachisi Janluka Zambrotta Chempionlar ligasi chorak finalida bu ikki jamoa o'rtasida kechgan o'yin haqida fikr bildirdi. Eslatib o'tamiz, "Yuventus" o'z maydonida 3:0 hisobida "Barselona"ni mag'lubiyatga uchratgan.
"Yuventus" o'z maydonida Evropaning eng kuchli jamoalaridan ekanini avvaldan bilardim. Ammo "Yuventus" "Barselona"dan bu qadar ustun kelishini kutmagandim.
"Yuventus" o'yin avvalida tajovuzkor o'yin namoyish qildi. Nimagaligini bilmadim, ammo "Barselona" safar o'yinlarida muammolarga duch kelmoqda.
Kataloniyaliklar uchun yarim finalga chiqish oson bo'lmaydi. Ammo ular qay darajada fantastik natijalar namoyish etganini avval ham ko'rganmiz", - deydi Zambrotta.
Eslatib o'tamiz, "Barselona" va "Yuventus" o'rtasida javob o'yini 19 aprelda bo'lib o'tadi.
— deya xabar beradi uff.uz nashri.