Bugun sizning e'tiboringizga «Liverpul» jamoasi safida ishonchli o'yinlari bilan muxlislar ko'nglini ovlay olgan  kamerunlik mahoratli himoyachi Joel Matip hakida qiziqarli bo'lgan bir qancha faktlarni taqdim etamiz. - Joel Germaniyaning  Boxum shahrida tavallud topgan, ammo u xalqaro turnirlarda  Kamerun terma jamoasi sharafini himoya qiladi. - Matipning katta akasi Marvin ham Kamerun terma jamoasi safida to'p surgan. Shuningdek,  Matipning yana bir uzoq qarindoshi Jozef Dezire Job xam Kamerun terma jamoasi safida 1998 yildan 2011 yilgacha to'p surgan. Jozef ushbu vaqt davomida Kamerun termasi safida 52 ta bahsda ishtirok etgan.  - Matip futbolchilik faoliyatini 1994 yilda «Veytmar 45» yoshlar jamoasida safida boshlagan.  - Matipning bo'y uzunligi 193 santimetrni tashkil qiladi va u "«izillar» safidagi eng bo'yi uzun futbolchi hisoblanadi.  - Matip «Shalke 04»ning asosiy jamoasi safidagi ilk o'yini va golini «Bavariya» jamoasiga qarshi kechgan bahsda nishonlagan hamda o'yin 1:1 hisobida o'z nihoyasiga etgan.  - Matip Rigober Songdan so'ng «Liverpul» safida to'p surgan ikkinchi kamerunlik futbolchi sanaladi.  - Statistikaga nazar tashlaydigan bo'lsak Matip «Shalke 04» safida 244 uchrashuvda harakat qilgan va o'rtacha har 10 o'yinda gol kiritishga muvaffaq bo'lgan. Bu ko'rsatkich himoyachi uchun yaxshi natijadir.  - Matip «Shalke 04» klubi bilan birgalikda 2011 yil Germaniya kubogini qo'lga kiritadi. Shuningdek, Matip «Shalke 04» bilan 2012/13 yilgi mavsum boshida Germaniya superkubogi uchun o'yinda, o'sha paytda Yurgen Klopp boshqaruvida bo'lgan "Borussiya Dortmund" klubini penaltilar seriyasida mag'lub etgan.  - Markaziy himoyachi 2015/16 yilgi mavsumda 3 ta gol va 3 ta golli pas oshirishga erishgan.   - Matip Yurgen Kloppning "Liverpul" uchun xarid qilgan uchinchi futbolchisi sanaladi. Nemis mutaxassisi Joelga qadar «Tsrvena Zvezda» jamoasidan Marko Gruichni va Angliyaning «Kuinz Park Reynjers» jamoasidan Stiven Kolkerni ijara asosida xarid qilgan edi.  - Joel Matip butun faoliyati davomida atigi 1 marotaba qizil kartochka ishlab olgan. Bu hodisa 2012 yili Evropa Ligasi doirasida «Tvente» jamoasiga qarshi kechgan bahsda bo'lib o'tgan. Keyinchalik hakamning bu qarori apelyatsiya yo'li bilan bekor qilingan.  - Matipning transfer narxi transfermarkt.de saytida 20 million evro etib belgilab qo'yilgan.  - Matip ikki marta Kamerun terma jamoasida to'p surishdan bo'yin tovlagan. U 2010 va 2017 yillarda Afrika Millatlar Kubogi turnirida qatnashishni xohlamagan. Matipning 2016 yilning oxirida qabul qilgan qaroridan alamzaga tushgan Kamerun Futbol Federatsiyasi uni jazolash maqsadida FIFAga murojaat bilan chiqadi. Shu tufayli Joel «Liverpul»ning bir nechta muhim bellashuvlarini o'tkazib yuborishga majbur bo'ladi. Lekin FIFA Matip borasidagi ishni ko'rib chiqadi va hech qanday jazo qo'llamaslikka qaror qiladi. Muallif: Sunnat Raupov
— deya xabar beradi uff.uz nashri.