Dortmundning «Borussiya» klubi bosh murabbiyi Tomas Tuxel himoyachi Mark Bartraning jarohati borasida ma'lumotlar berib o'tdi. «Bartraning hoziroq maydonga qaytishini xohlardim, biroq u to'rt haftacha o'ynay olmaydi», – deydi Tuxel. Seshanba kuni «Borussiya» jamoasi avtobusi yonida portlash yuz bergan edi. Bartra deraza qoldiqlarining sachrashidan jabr ko'rgan va kasalxonaga jo'natilgan. O'sha kuni o'tkazilishi lozim bo'lgan «Monako»ga qarshi o'yin esa bir kunga kechiktirilgandi. Futbolchi jarroxlik amaliyotini boshdan kechirgan. Bartra mavsum so'nggiga yaqin maydonga qaytishi mumkin.
— deya xabar beradi uff.uz nashri.