“Torino” klubi hujumchisi Andrea Belotti “Chelsi” jamoasi rahbariyatining qiziqishlari doirasiga kirgan.
Londonlik klub 23 yoshli Italiya terma a'zosining 60 million evroga transfer borasida taklif jo'natdi. Bu haqida Football Italia nashri xabar tarqatdi.
Bundan tashqari, gollar, o'yinlar, Chempionlar ligasiga yo'llanma hamda unvonlar uchun kelishuvda 40 millionlik bonuslar ham keltirilgandi.
Turinliklar bu taklifga shu zahoti rad javobini berdilar. Klub Belottining faqat 100 million evro evaziga qo'yib yuboradi. Aynan shu qiymat uning shartnomasida tovon puli sifatida ko'rsatilgan.
Belotti ushbu mavsumda Italiya chempionatining 28ta o'yinida 24ta gol hamda 5ta golli uzatmaga mualliflik qilgan.
— deya xabar beradi uff.uz nashri.