Bugun "Navbahor" o'rinbosarlari Yoshlar birinchiligi 6- tur o'yinlari doirasida "Metallurg" klubidagi tengqurlariga qarshi o'zaro kuch sinashishdi. Ketma-ket beshta g'alabasiz o'yinlardan so'ng vakillarimiz safardan uch ochko bilan qaytishni uddasidan chiqishdi. Birinchi bo'limda maydon egalari hisobni ochishga muvaffaq bo'lishdi. Bosh hakam darvozamizga penalti belgiladi. 11 metrli jarima zarbasini garchi darvozabonimiz Obidjonov qaytargan bo'lsa-da, qaytgan to'pni Ulug'bek Xudoyorov darvozamizga kiridi. Bu gol tanaffusga qadar yagonaligicha qoldi.  Uchrashuvning ikkinchi yarmini esa "yosh navbahorchilar" hujumkor ruhda o'tkazib to'rt marotaba raqib darvozasini ishg'ol etishdi. Biroq, faqatgina ikkita gol inobatga olindi. Hakamlar brigdasi gollaridan biri o'yindan tashqari xolatdan urildi deb topishgan bo'lishsa, yana bir vaziyatda to'p darvoza chizig'ini kesmadi deb hisoblashdi. Shunga qaramay yoshlarimiz safardan g'alaba bilan qaytishining ilojini topishdi. Qanotlardan tashkil qilingan hujumlar futbolchilarimizga samara keltirdi. Zaxiradan maydonga tushgan Ilhom Aliboevning va Abdulaziz Nishonboevning bosh bilan urgan gollari yakunda Shuhrat Qoraboev shogirdlariga uch ochkoni ta'minladi. "Metallurg" - "Navbahor" - 1:2 (1:0). 14 aprel. Bekobod. "Kimyogar" o'yingohi. "Metallurg": Timur To'ychiev, Asomiddin Abdurahmonov, Azamjon Samijonov, Ulug'bek Xudoyorov, Muhammadodil Sultonov, Umid Rahimov, Abrorbek Toshqo'ziev, Xudoyshukur Sattorov, Zuhrillo Boboev, Zokirjon Ahmadjonov, Muhammad Azam Nurmatov. "Navbahor": 1. Isroil Obidjonov, 4. Javohir Olimjonov, 5. Timur Tolipov (2. Bilol Toshmirzaev, 46), 8. Ravshan Xursanov (3. Yunus Abduvohidov, 70), Shaxzodbek Hamidov, 16. Ahmad Mamadaliev  (70. Ilhom Aliboev, 46), 17. Ilhom Boydedaev, 22. Abduaziz Sultonov, 30. Iskandar Sidiqjonov, 48. Akbarali Xoldorov (26. Islom Abduqodirov, 75), 77. Abdulaziz Nishonboev,  Gollar: U. Xudoyorov (29) - I. Aliboev (86), A. Nishonboev (88). Amalga oshirilmagan penalti: U. Xudoyorov (29). Chetlatish: X. Sattorov.
— deya xabar beradi uff.uz nashri.