"Manchester Yunayted" bosh murabbiyi Joze Mourino Angliya chempionati doirasida "Chelsi"ga qarshi kechadigan o'yin haqida fikr bildirdi.
"Siz hissiyotlar haqida so'rayapsiz. Men uchun bu oddiy o'yin. Yana bir o'yin. Men uchun "Chelsi"ga qarshi kechadigan o'yin boshqalaridan farq qilmaydi.
"Chelsi" futbolchilari dam olgan va hordiq chiqargan bo'ladi, biz esa Evropa ligasidan so'ng charchagan holda maydonga tushamiz. Futbolda bu juda muhim. Ammo "Chelsi" birinchi o'rinda borayotganiga sabab faqat ular dam olib maydonga tushayotganida emas. Boshqa sabablar ham bor.
"Chelsi"da yaxshi futbolchilar to'p suradi, ammo ular jamoaviy o'yin borasida ham kuchli. Jamoada aniq uslub mavjud va ular juda yaxshi o'yin namoyish etishmoqda.
Hamma ham 11 futbolchi bilan himoyalana olmaydi, ammo "Chelsi" bu ishni uddalamoqda. Hamma ham "Chelsi" kabi qarshi hujumda yaxshi o'ynay olmaydi", - deydi Mourino.
— deya xabar beradi uff.uz nashri.