Oliy Liga 6-turidan o'rin olgan “Metallurg” – “Navbahor” (1:1) uchrashuvidan so'ng “lochinlar” sport direktori Anvar Soliev uchrashuv borasida o'z fikri bilan o'rtoqlashdi. “Bekobodga g'alabani ko'zlab kelgandik. Bizni quvontiradigan faqatgina bir jihat – to'rtta o'yindan buyon darvozamizdan gol o'tkazmayotganimizdir. Yigitlar maydonda bor kuchlarini sarflab harakat qilishdi. Kuchli shamol esishi o'z o'yinimizni ko'rsatishimiz uchun to'sqinlik qildi. Kamchiliklarimiz ustida ishlaymiz. Keyingi o'yinda muxlislarimizni xursand qilish uchun astoydil harakat qilamiz. Ikkinchi bo'limda gol o'tkazib yubormaslik uchun futbolchilarimiz himoyaviy o'yinga o'tishdi. Shu bois uchrashuvning ikkinchi yarmida "Metallurg" ko'proq xavfli vaziyatlar sodir etdi. Himoyachilarimiz o'z vazifalarini uddalashdi deb aytishim mumkin. Zaxiradan maydonga tushgan o'yinchilar esa bu safar yordam berishmadi”, – dedi Soliev.
— deya xabar beradi uff.uz nashri.