“Manchester Yunayted” yozgi transferlar mavsumida “Napoli” hujumchisi Dris Mertens bilan shartnoma imzolashi mumkin. Calciomercato nashrining xabariga ko'ra, “MYu” rahbariyati 29 yoshli belgiyalik futbolchi bilan uchrashib transfer haqida muzokara olib borishgan. Lekin “Napoli” ham Mertens bilan amaldagi shartnomani uzaytirish bo'yicha rasmiy ishlarni oldinga surmoqda. Italiyaliklar prezidenti Aurelio De Laurentis futbolchi bilan “Udineze”ga qarshi uchrashuv oldidan Mertensning o'zidan kelajaki haqida so'ragan. Suhbat davomida Mertens bir mavsum uchun 4,5 million evro maosh so'ragani va prezident uning ta'labini qondirishi haqida so'z ketgan. Ma'lumot uchun, Drisning “Napoli” bilan tuzgan amaldagi shartnomasi 2019-yilga qadar davom etadi.
— deya xabar beradi uff.uz nashri.