«Sevilya» bosh murabbiyi Xorxe Sampaoli yana bir marta Argentina futbol assotsiatsiyasi bilan muzokara olib borganini inkor etdi. Biroz vaqt muqaddam Sampaoli Argentina terma jamoasini boshqarishi haqida xabarlar paydo bo'lgan edi.
- Argentina terma jamoasi? Takrorlayman, men AFA vakillari bilan uchrashganim yo'q. Meni faqat bugungi kun qiziqtiradi. Oldinda 6 ta o'yin bor va unda «Sevilya» oldiga qo'yilgan vazifa hal qilinishi lozim.
Shunday ekan, hech qanday uchrashuv haqida hech narsa bilmayman, - deydi Sampaoli.
Eslatib o'tamiz, Argentina terma jamoasi boshqaruviga shuningdek yana «Atletiko» bosh murabbiyi Diego Simeonening nomzodi ham ko'rsatilayotgani xabar qilingan edi.
— deya xabar beradi uff.uz nashri.