“Neftchi” – “Bunyodkor” uchrashuvidan keyingi matbuot anjumanining birinchi qismida “qaldirg'ochlar” ustozi ishtirok etdi.
- Jamoamiz qiyin davrni boshdan kechirmoqda. Chempionlar ligasining guruh bosqichini va oliy liga bahslarini omadsiz boshladik. Bugungi bahs ham oson o'tgani yo'q. Birinchi bo'limni juda yaxshi o'tkazdik, biroq gol ura olmadik. Yutib turgan paytimizda yaratgan vaziyatlarimizni golga aylantirish va hisobni oshirishimiz kerak edi. Biroq imkoniyatlardan foydalana olmay, bahs so'nggida o'zimizga-o'zimiz muammo yaratdik. Raqib bizni jazolashi va g'alabadan mahrum qilishi mumkin edi. Chemirtan asosiy tarkibga kira olmaganining sababi bugungi kunda Nurmatov undan yaxshiroq holatda edi va biz Shahzodbekga ishonch bildirgandik. Uch yil oldin bizning oldimizga qo'yilgan maqsadga erishyapmiz. Tarkibning 70 fozini futbol maktabimiz tarbiyalanuvchilari hisobiga shakllantirishimiz kerak edi. Mana bugungi tarkibni oling, Nurmatovni inobatga olmaganda deyarli barcha futbolchilar bizning tarbiyalanuvchilar hisoblanishadi. Hatto Zuhurov ham 9 yildan buyon “Bunyodkor”da va uni ham o'zimizni tarbiyalanuvchi, desam mubolag'a bo'lmaydi, - deydi Sergey Ivanovich.
— deya xabar beradi uff.uz nashri.