«Barselona» bosh murabbiyi Luis Enrike Chempionlar ligasining chorak finali «Yuventus»ga qarshi javob uchrashuvi oldidan, jamoa birinchi uchrashuvdagi (0-3) hisobni yo'qqa chiqarish uchun tavakkal qilishga tayyorligini bildirdi. "O'yinning ma'lum bir qismida bizda albatta "kambek"ni amalga oshirish imkoniyati bo'ladi. Yo'qotadigan narsamiz yo'q, shuning uchun kerak bo'lsa sakkizta futbolchini hujumga qo'yib tavakkal qilishimiz mumkin. Ishqibozlar bu futbolchilarga ishonishi kerak, axir bu futbolchilar mumkin bo'lgan barcha unvonlarni qo'lga kiritgan. Jamoamiz g'oliblar jamoasi. Biz har doim g'alaba qilishga o'rganganmiz, ammo bir xil darajani ushlab turish oson emas. Shuning uchun yutishni xohlar ekanmiz, o'yinni kuchaytirishimiz kerak va buning uchun qo'ldan kelgancha harakat qilamiz", - dedi Enrike.
— deya xabar beradi uff.uz nashri.