Evropa Chempionlar ligasi musobaqasining chorak final javob uchrashuvlariga bugun start beriladi. Qo'hna qit'aning ikki shahrida bir-biridan qiziqarli bo'lgan o'yinlar o'tkaziladi.
Birinchisi Angliyada, mahalliy "Lester" jamoasi hamda Madridning "Atletiko" klublari o'rtasida kechadi. Ilk uchrashuvda qayd etilgan 1:0 hisobi hali hech narsani anglatmasligini inobatga olsak, javob o'yinida hammasi boshqacha bo'lishi mumkin. Har holda ingliz klubida gol urish imkoniyati saqlanib turibdi. Lekin, "Atletiko" tajriba borasida raqibidan ustun hisoblanadi.
Ikkinchi bahs Ispaniya poytaxtida boshlanadi. Unda Madridning "Real" jamoasi Germaniyaning "Bavariya" klubini qabul qiladi. To'g'ri, birinchi o'yinda "Qirolik klub" 2:1 hisobida g'alabani qo'lga kiritgandi. Bugun ularga durang ham qoniqtiradi. Ammo, "Bavariya" bunga ko'narmikan?! Ko'pchilik Levandovski bilan boshqacha o'yin bo'ladi deyapti, aslida ham shunaqa bo'ladimi?
Savollarga javobni kechroq olamiz. Eslatib o'tamiz, barcha o'yinlar Toshkent vaqti bilan soat 23.45da boshlanadi.
"Barselona", "Yuventus", "Monako" va "Borussiya D" jamoalari ertaga bahslarga kirishadilar.
Ushbu tur anonsi bilan tanishing: 18.04.2017   23:45 Lester -:- Atletiko Madrid   23:45 Real Madrid -:- Bavariya 19.04.2017   23:45 Monako -:- Borussiya D   23:45 Barselona -:- Yuventus
— deya xabar beradi uff.uz nashri.