Klublar miqyosida raqib posbonlarini ranjitib, bir nechta gollar urgan va jahon yulduzi darajasiga ko'tarilgan ayrim futbolchilar, o'z terma jamoalari safida gol urish borasida juda ham no'noqlikka yo'l qo'yishgan. Shu bois  biz terma jamoalardagi omadsiz hujumchilar TOP-11 taligini sizning hukmingizga havola etamiz.
11. Karlos Teves – Argentina (68 o'yin – 13 gol)
Tevez klublar miqyosida 200 dan ortiq gol kiritgan. Angliya va Italiya chempionatlari to'purari bo'lgan. Biroq Argentina terma jamoasida o'zini ko'rsata olmagan. Argentinada hujumchilar orasidagi raqobat ham bunga ta'sir qilgandir balki. Karlos 6 yildan dan buyon terma jamoaga taklif olmayapti.
10. Xalk – Braziliya (46 o'yin – 12 gol)
Zambarakning o'qiday kuchli zarbaga ega bo'lgan Xalk Braziliya terma jamoasining asosiy hujumchilaridan biridir. Biroq u ishonchli oqlay olganicha yo'q. Xalkning kiritgan barcha 12 ta goli o'rtoqlik uchrashuvlariga to'g'ri keladi. U Konfederatsiyalar kubogida 5 ta, jahon chempionatida 6 ta o'yinda maydonga tushib, birorta ham gol kirita olmagan. Darvoqe u Argentinadan boshqa biror kuchli terma jamoa darvozasini ishg'ol qila olmagan. Ishonmaysizmi? Unda u gol urgan termalarga o'zingiz nazar boqing: Daniya, JAR, Xitoy, Iroq, Gonduras, Chili, Panama, Kosta-Rika, AQSh.
9. Oskar Kardosa – Paragvay (49 o'yin – 9gol)
2 martadan Portugaliya chempionati va Portugaliya kubogining, bir bora esa Evropa ligasining to'purari bo'lgan Kardosa, terma jamoasi tarkibida atigi 9 ta gol kiritgan xolos. Oskardan muxlislar ko'p narsa kutishardi. Biroq u Paragvay uchun katta xizmatlarni amalga oshira olganicha yo'q.
8. Franchesko Totti – Italiya (58 o'yin – 9 gol)
«Rim imperatori» «Roma» tarkibida 300 dan ortiq gol kiritgan va jamoa tarixidagi eng sermahsul futbolchidir. Biroq Totti terma jamoada sermahsullik qilish borasida maqtana olmaydi. Uning gollari soni 10 taga ham etmaydi. Franchesko balki shu bois ham termadagi faoliyatiga erta yakun yasagandir. Futbolchi 2006 yilgi mundialdan buyon Italiya termasida maydonga tushmadi. Garchi bir necha marta chaqiruv olgan bo'lsa ham.
7. Georgios Samaras – Gretsiya (81 o'yin – 9 gol)
Gretsiyaning bugungi kundagi eng taniqli futbolchilaridan biri Samaras terma jamoasi safida gol urish borasida maqtana olmaydi. Uning hisobida atigi 9 ta gol mavjud. Georgios 9 yildan buyon termasi sharafini himoya qilib kelayotganligini inobatga oladigan bo'lsak, bu bir yilga bittadan gol deganidir. Biroq hujumchi so'nggi 8 yilda 6 ta to'p kiritdi xolos.
6. Andrey Varonin – Ukraina (74 o'yin – 8 gol)
Ukrainalik hujumchi klublar safida 400 uchrashuvda 147 ta gol kiritgan. U ham terma jamoa tarkibida gol urish borasida ancha no'noqlik qiladi. Voronin terma jamoasi uchun 74 ta bellashuvda 8 ta gol urgan. Uning bitta goli O'zbekiston terma jamoasi darvozasiga kiritilganligini ham alohida ta'kidlab o'tmoq joiz.
5. Emil Xeski – Angliya (62 o'yin – 7 gol)
Xeski o'rtamiyona hujumchi bo'lishiga qaramasdan Angliya termasiga muntazam ravishda chaqirilib turilgan. Emil Angliya uchun 62 uchrashuvda 7 ta to'p kiritgan. Muxlislar Xeskining o'yinidan doimo norozi bo'lib kelishgan bo'lsa ham, hujumchi jahon chempionati 2010 ga yo'l oladi. Natijada esa birorta ham gol ura olmay, ortga qaytadi.
4. Yoshito Okubo – Yaponiya (60 o'yin – 6 gol)
Yaponiya terma jamoasi hujumchisi Okubo 60 o'yinda 6 gol kiritgan. Vaholanki hujumchi Yapon klublari safida 160 dan ortiq to'p kiritgan va hattoki Bundesligada jamoalari sharafini himoya ham qilgan. Yoshito so'nggi 7 yilda Yaponiya uchun bor-yo'g'i 1 ta gol urdi xolos. Davomi>>
— deya xabar beradi uff.uz nashri.