“Atletik” klubi himoyachisi Emerik Laport faoliyatini “Barselona”da davom ettirishi mumkin. Mundo Deportivo nashrining xabariga ko'ra, agar kataloniyaliklar “Atletik” bosh murabbiyi Ernesto Valverdeni jamoaga taklif etishadigan bo'lsa, Laport ham uning ortidan Kataloniyaga yo'l oladi. Eslatmb o'tamiz, avvalroq “Barselona” Laportni sotib olish haqida “Atletik”ga rasmiy taklif yuborishgan edi, lekin “basklar” bu taklifga rad javobini berishgandi. Ma'lumot uchun, Emerik Laport “Atletik” tarkibida 28 uchrashuvda maydonga tushib, 2 ta gol muallifiga aylangandi. 22 yoshli himoyachining transfer qiymati 25 million evroga tenglashtirilmoqda.
— deya xabar beradi uff.uz nashri.