Angliyaning “Birmingem” klubi Xarri Rednapni bosh murabbiy sifatida tanishtirdi. Jamoa rahbariyati Rednapni jamoada Janfranko Zola o'rniga murabbiy etib tayinladi. Ma'lumot uchun, Zola jamoani o'tgan yilning dekabrida qabul qilib olgan edi. Birmingemliklar shuncha vaqt mobaynida Zola qo'l ostida faqatgina 2 ta uchrashuvda g'alaba qozonishgan. Chempionshipda ishtirok etayotgan “Birmingem” esa hozirda musobaqa jadvalining 20-o'rnida bormoqda. Eslatib o'tamiz, Xarri Rednapp faoliyati davomida "Bornmut", "Vest Xem", "Portsmut", "Sautgempton", "Tottenxem" va "KPR" kabi jamoalarni boshqargan.
— deya xabar beradi uff.uz nashri.