Kecha, nazarimda, «Manchester Yunayted» Joze Mourino qo'l ostida o'zining eng yaxshi o'yinini o'tkazdi. Natija ham ahamiyatga molik – Aleks Fergyusonning oxirgi mavsumidan beri birinchi marta «Chelsi» ustidan g'alaba qozonildi. Serning o'zi ham oxirgi uch o'yinda «Chelsi»ni enga olmaganini e'tiborga olsak, bu natija yanayam ahamiyat kasb etadi. Hammasi yaxshi, lekin… Bilasizmi, agar kechagi o'yinga bu yili chempionlik uchun kurashmayotgan, ammo va'da berilishicha, kelasi yili barcha musobaqalarda g'oliblik uchun harakat qiladigan jamoaning bir qadami sifatida baho bersak, o'z qiymatini yo'qotib qo'yadigandek, nazarimda. Bir paytlar, rus kanallaridagi studiyalardan birida Vasiliy Utkin Joze Mourino jamoalari haqida qiziq fikrni aytgandi va bu menga yoqqandi. Utkin o'sha mavsumdagi Evropaning eng yaxshi klublarini sanar ekan, bu ruyxatga, Angliyada yaqqol etakchilik qilayotgan «Chelsi»ni ataylab qo'shmadi. Hamkasbining ajablanishiga qo'yidagicha javob berdi: «Chelsi»ni, umuman Joze Mourino jamoalarini Evropaning peshqadam jamoalari safiga hech qachon qo'shmaslik kerak. Mourino jamoalari raqibga qarab o'ynaydigan va asosiy kuchi raqibning ustun jihatlarini yo'qqa chiqarishga tayaniladi. Bunday jamoalarni etalon deb bo'lmaydi. Etalon jamoa – o'z o'yini va raqibdan qat'iy nazar o'ziga xos bo'lgan uslubi bilan tanilishi kerak» O'ziga yarasha bahsli mavzu. Ammo o'ylab ko'rsa bo'ladi. «Portu» bilan «Old Trafford»da «MYu»ni to'xtatib qolish, ajdarho misoli «Barselona»ni «Inter» bilan (Milandagi o'yin nazarda tutilyapti), keyin «Real» bilan aynan qarshi taktika asosida engish – bularning hammasi Joze Mourinoning kuchli murabbiy sifatida dunyoda mashhur qilgan o'yinlar. Kechagi o'yinning mana shular sirasiga kiritish kerakligini isbotlovchi dalillar bor. Qarang, maydonda Zlatan Ibrohimovich, Genrix Mxitaryan, Marsiyal emas, Jessi Lingard, Eshli Yang va Markus Reshfordlar tushishdi. Uchrashuvda Pol Pogba emas, Maruan Fellayni foydaliroq harakat qildi. Chap qanotda kelajakda «MYu»ning chap qanoti bo'lishi kerak bo'lgan Shou emas, yozda sotiladigan Darmiyan o'ynadi. Ya'ni, kechagi g'alaba, tashkil etilayotgan «Manchester Yunayted»ning «Chelsi»ni engib tashlay oladigan bir nuqtaga etib kelganligini ko'rsatmasdi – shunchaki, Mourinoning alohida bir uchrashuvga qay darajada tayyorlana olinishining yuksak namunasi edi xolos. Kechagi «Manchester Yunayted»ga qarab turib, shaxsan men, kelasi yilda Manchesterda ajoyib jamoa bo'lishinining isbotini ko'rmadim, shunchaki, jamoaning katta o'yinlarda jamoani tayyorlay oladigan murabbiyi borligini ko'rdim xolos. Kechagi g'alaba bo'lajak jamoaning emas, murabbiy Joze Mourinoning «reklamasi» bo'ldi xolos. Menimcha. Chunki Mourino «Chelsi»ni o'zi poydevor sifatida o'rnatib qo'ygan Zlatan, Mxitaryan, Pogbalarinng ajoyib o'yini evaziga yutmadi, xuddi kechagi tarkib, indinga «Byornli»ga borib, bemalol 3:0 yutib kela olmasligini uning o'zi ham bilib turibdiku, yana nima kerak… Axir katta ehtimol bilan, kechagi o'yindagi sardor Eshli Yang sotilib ketadi, Lingard hech qachon top klubning asosiy futbolchisi bo'lmaydi, Fellaynidan faqat ma'lum vaziyatlarda foydalaniladi. Hech bir «MYu» muxlisi, hatto kechagi ajoyib g'alabaning fonida ham, kelasi mavsum «MYu» xuddi shu shaklda bo'lishi kerakligini, har o'yinda aynan Lingard, Fellayni, Yang, Darmiyan o'ynashi lozimligini aytmaydi. Har bir «MYu» muxlisi ko'nglining tub tubida, bu o'yin va bu tarkib faqat va faqat «Chelsi», faqat kechagi «Chelsi» uchun, faqat kecha uchun asosiy tarkib ekanini sezib turgandek, nazarimda. ...
Davomi «TAFSILOT.UZ» saytida
— deya xabar beradi uff.uz nashri.