Angliya terma jamoasi sobiq murabbiyi Stiv Maklaren “MYu” bosh murabbiyi Joze Mourinoning jamoa himoyachisi Lyuk Shouni tanqid qilayotganiga o'z fikrlarini bildirib o'tdi. “Buyuk murabbiy ser Aleks Fergyuson o'z vaqtida qo'l ostidagi futbolchilarni OAV oldida tanqid qilmasligini bildirib o'tgandi. O'ylaymanki, bu to'g'ri qaror bo'lardi. Mourinoning Lyuk Shouni tanqid ostiga olishi noto'g'ri deb o'ylayman. Uning bu ishi umuman futbol shaxsiga to'g'ri kelmaydi. Ya'ni Mourinoning bu ishi boshqa futbolchilarning g'azabiga tegadi va ularning portugaliyalik mutaxxasisga bo'lgan munosabatini o'zgartirib yuboradi. Nima bo'lgan taqdirda ham Mourino Shouni tanqid emas qo'llab – quvvatlashi kerak”, - deydi Maklaren Goal.com saytiga bergan intervyusida. Ma'lumki, Lyuk Shou avvalroq jiddiy jarohat olib, tarkibdagi o'rnini yo'qotib qo'ygandi. Lekin Shou yozda “Manchester Yunayted”dagi o'rnini qaytarib olish uchun bor kuchini ishga solishini aytib o'tgan.
— deya xabar beradi uff.uz nashri.