«Barselona» klubi bosh murabbiyi Luis Enrike «Yuventus»ga qarshi kechadigan o'yin oldidan o'z fikrlari bilan o'rtoqlashdi. «O'ylaymanki, «Yuventus»da golli vaziyatlar bo'ladi, shuni hisobga olib bizning vazifamiz – beshta gol kiritish. Agar birinchi golni ura olsak, «Kamp Nou»dagi atmosfera ikkinchisiga olib boradi, uchinchi gol esa o'z-o'zidan bo'ladi. Ayni damda yo'qotadigan narsamiz yo'q. Variant bitta – hujum, hujum, hujum. Keyin ozgina dam olib yana hujumga o'tish. Muxlislarga murojat qilmoqchiman: 80-daqiqadan so'ng «Kamp Nou»ni tark etishga shoshilmang, chunki siz muhim bir voqeani o'tkazib yuborasiz. Bu tarix sahifalariga yoziladigan oqshom bo'ladi», – deydi Enrike.
— deya xabar beradi uff.uz nashri.